Sami Flamuri

Nga biografia

Të bisedosh apo të shkruash për mërgimtarë apo “gyrbeqarë” i ka sfidat e veta, sidomos për ata që në moshën e thyer i rikthehen vendlindjes. Bashkëbiseduesi i radhës nuk hyn në këtë kategori. Këtu flasim për Sami Flamurin. U lind pikërisht në qytetin Sidnej (Balmain) në Australi. Për kuriozitet, ai është binjak apo “nokat” siç Ulqini edhe i njef binjakët me Naimin të dy në shtatorin e vitit 1969.

Sami Flamuri

Shkollën fillore e kreu në “Marshall Tito” dhe të mesmen, drejtimin hotelerik në “Vëllazërim Bashkim” në Ulqin më 1986/87. Dëshira e flakët për të studiuar në Prishtinë u ndërpre, sepse më 1989 ndodhi greva e minatorëve të Trepçës e cila u ndaloi rrugën e jetës studentore. Më 1996 ai me sukses mbaron studimet në “Bachelor of Arts” University of Queensland. Suksesin më të madh e konsideron lindjen e dy vajzave të tij – Valonës (1995) dhe Arditës (1996) e cila vitin e kaluar u bë edhe nëna e Edanit. Tash e mora, thotë Samiu, “edhe epitetin e gjyshit”. Sfida e vitit 1999. Samiu tash në rolin e përkthyesit zyrtar të shtetit australian. Bëhet mikpritës i 4.000 refugjatëve nga Kosova e flakëruar në luftë, ku me vëllanë Naimin në mënyrë vullnetare e mbajnë radion në gjuhen shqipe (3ZZZ) në Melburn, qytetin më të madh me shqiptarë në Australi.

Burimi Koha Javore